ස්ථුලතාවය අවම කරන ආහාර වට්ටෝරු
Thursday, 09 May 2019 - 14:27 | Views - 2,389

ස්ථුලතාවය වූ කලි වෙනත් සියලුම රෝගවලට ඍජුවම බලපාන සාධකයකි. කිසියම් රෝගයක් සුව වී දැනෙන සතුටට වඩා සුවයක්, පී‍්‍රතියක්, ස්ථුලත්වය නැති කිරීමෙන් ඔබට ලැබෙනු ඇත.

ඇතැම්විට කොපමණ ආහාර අඩු කළත් මහත් වෙන එක අඩු නොවන බව පවසමින් මැසිවිලි නැඟීම බාල මහළු තරුණ යන ඕනෑම වයස් කණ්ඩයකට පොදුය.

ස්ථුලතාවය හිසරදයක් නම් ඒ පිළිබඳව සොයා බැලීම අතිශයින්ම වැදගත් නිසා අද ඔබ වෙනුවෙන්ම මේ ස්ථුලත්වය ගැන විශේෂ අවධානයක් යොමු කිරීම සිදු වේ.

ස්ථුලතාවය කියන්නේ කුමක්ද?
ආයුර්වේදයට අනුව ස්ථුලතාවය බොහෝ රෝග ඇති කරවන්නෙකි. රෝග ගණනාවකට තුඩු දෙන හේතු කාරකයෙක්ද වේ. බඩ ස්තන හා නිතඹ යන ශරීරාංග ඇවිදින විට ලෙලදෙන අයුරින් සැලෙයි නම් එය ස්ථුලත්වයේ බාහිරින් පෙනෙන ලක්ෂණයයි. උසට සරිලන බර සමාන නැති, කොතරම් ක්‍රියාශීලීව වැඩ කළත් නිසිඵලක් ගැනීමට නොහැකි ලෙස ස්ථුලත්වය අර්ථ ගැන්විය හැකියි. ඔබගේ සිරුර මෙතරම් මාංශයෙන් පූර්ණව පවතී නම් ඔබ වඩාත් සැලකිලිමත් වීම වැදගත් බව සිතට ගන්න.

ස්ථුල වීමට බලපාන හේතු
ආහාර, විහරණ, දීර්ඝකාලීනව ගන්නා ඖෂධ, ජානමය බලපෑම

ආහාර
ස්ථුලත්වය වැඩි කිරීමට අවශ්‍ය සංඝටක ලබාදෙන පිටි සහිත ආහාර ගැනීම බොහෝ සෙයින් අඩු කිරීම වඩාත් වැදගත්ය. සෙම වඩන ආහාර ගැනීම නිසාද සිරුර මහත් වීම ඇති වේ. රුධිර නාලවල තෙල් තැන්පත් වීම සිදුවන්නේ තෙල් අධික ආහාර ගැනීම හේතු කොට ගෙනයි. එසේම අධික පැණි රස සහිත ආහාර මෙන්ම කෘත්‍රිම ආහාර වර්ග ද ගැනීම නුසුදුසුයි. ක්ෂණික ආහාර හා රස කාරක යෙදූ ආහාර ගැනීම ද මේ ස්ථුලත්වය ඇති වීමට බලපානු ලැබේ. එසේම ස්වභාවික රස කාරක නොයෙදීම ද සිරුරේ මෙවැනිම තත්ත්ව ඇති වීමට බලපාන තවත් කරුණකි. පමණ දැන ආහාර ගැනීම හා එක් ආහාරයක් දිරවීමට පෙර නැවත ආහාරයක් ගැනීම නිසාද ස්ථුලතාවය උග්‍ර වනු ඇත.

ව්‍යායාමය අවම වීම
ව්‍යායාම නොකිරීම, දිවා නින්ද, රාත්‍රී නිදි වැරීම, වේග ධාරණය, එක දිගට රූපවාහිනිය නැරඹීමට හුරු වීම, පරිගණකය හෝ වෙනත් වැඩකට එක දිගට වාඩි වී සිටීම ලැබෙන විවේකය නිසි පරිදි ගත නොකිරීම හා මානසික ආතතිය ද ස්ථුලත්වයට බලපායි.

දීර්ඝකාලීනව ඖෂධ ගැනීම
තයිරොයිඩ් ග්‍රන්ථිය ක්‍රියාකාරීත්වය අඩු වීම නිසා ගන්නා ඖෂධ, උපත් පාලන පෙති ගැනීම, අධික රුධිර පීඩනය නිසා ගන්නා ඖෂධ, කාන්තාවන්ගේ ඩිම්බ කෝෂවල ඇතිවන රෝග තත්ත්ව නිසාද අධික ස්ථුලත්වයට ලක්විය හැකියි.

මෙහිදී පංචකර්මයේ එන ශෝධන කර්ම (විරේක කිරීම) ද අත්‍යවශ්‍ය වුවත් එය නොකිරීම නිසාද සිරුර තුළ අනවශ්‍ය මේදය හෝ වෙනත් අපද්‍රව්‍ය තැන්පත් වීම මත මෙම තත්ත්වයට පත්විය හැකියි.

ස්ථුලතාවය අඩුකර ගන්නේ කොහොමද?
තෙල් සහිත ආහාර, සෙම වඩන ආහාර හා බ්භදජඬ ටධධඤ වලින් වැළකීම. මෙහි ඇති ආහාරමය වටිනාකමයි. වරින් වර බිස්කට් කෑමෙන් වළකින්න. ක්ෂණික ආහාරවලට මුල්තැන දෙන මේ යුගයේ ආහාර මඟින් ප්‍රතිකර්මයක් ලබා ගැනීම ස්ථුලත්වය අඩු කර ගැනීමට මනා රුකුලකි. එබැවින් නිසි ආහාර වේල් ලබා ගැනීමහට වෛද්‍ය උපදෙස් ලබාගත යුතුයි.

හැකි සෑමවිටම මද උණු වතුර වීදුරුවක් පානය කරන්න.

ආහාර දිරවීම යථා තත්ත්වයට පත් කිරීම කළ යුතුයි.

සිරුරේ පවතින තෙල් කොටස් දියවීමට අභ්‍යන්තර ඖෂධ ලබා දෙයි. ඒ සමඟම පිටතින් ආලේපන ගල්වයි. මෙලෙස ආලේපන කරනුයේ විශේෂ ආකාරයටයි.

බර අඩු වීමට නම් මේ ආකාරයෙන් සති 2 3ක් කළ යුතුයි.

නේවාසිකව ප්‍රතිකාර ගැනීමට මින් පසු උනන්දු විය යුතුයි. නොඑසේ නම් ඉහත ප්‍රතිකර්මය දිගටම කරගෙන යා හැක්කේ රෝගය පවතින කම් පමණි.

නේවාසිකව ප්‍රතිකාර
මෙහිදී වාෂ්ප ස්වේද සිදු කරයි. රූක්ෂ තෙල් හෝ චූර්ණ (කුඩු) වර්ග භාවිතා කර ඩහ ගැන්වීම සිදු කරයි. මෙහිදී සිදුවන්නේ අනවශ්‍ය මේද කොටස් ඉවත් කරයි. සිරුරේ විශේෂ ප්‍රතිකාරයක් ලෙස කුඩු හෝ තෙල් උඩු අතට ගැම සිදු කරයි. මෙය විශේෂ සම්භාහන ක්‍රමයකි. ඊට අමතරව තවදුරටත් විෂ කොටස් මෙහි රැඳී ඇත්නම් වස්තියක් සිදු කෙරේ. ගුද මාර්ගයෙන් ඖෂධ දමා මෙය සිදු කෙරේ.

රෝග තත්ත්වය තවදුරටත් ඇත්නම්
බර අඩු නොවේ, අලස බව, නිදිමත ගතිය, මහන්සිය ඇති වේ.

ස්ථුලත්වයේ ලක්ෂණ
ක්‍රියාශීලි බවින් තොරවීම, පොඩි දුරක් ගමන් කිරීමේදී ඇතිවන මහන්සි බව, අල්ප ආයුෂ, ලිංගික දුබලතාවය, පෞරුෂත්වය හීන වීම, ආකර්ශණය අඩු බව, සමේ පැහැය අඩු වීම

ඇතිවිය හැකි රෝග ලක්ෂණ
හෘද රෝග, දියවැඩියාව, රුධිරගත කොලෙස්ටරෝල් මට්ටම ඉහළ යාම, අක්මා රෝග, වකුගඩු රෝග, මොළයේ ලේ කැටි හිරවීම, නහර ගැට ගැසීම

ජීවන රටාවේ වෙනස්කම්
නිසි ආහාර රටාවකට යොමුවීම, කෘතිම රසකාරක, තෙල් සහිත ආහාර නොගැනීම, Fast Food නොගෙන සිටීම, පැණි බීම නොගෙන සිටීම, උෂ්ණාධික ආහාර නොගනීම, වේග ධාරණයෙන් මිදීම, මානසික ව්‍යායාම (භාවනා, යෝග)

ස්ථුලතාවයෙන් සිටින රෝගීන් සඳහා ආහාර වට්ටෝරුව

උදෑසන පානය කිරිමට – (පෙ.ව 5.30ට පමණ)
කොළ කැඳ වීදුරුවක් (හීන් බෝවිටියා, යකිනාරං, කරපිංචා, පිටවක්කා විශේෂයි) හෝ පලතුරු යුෂ වීදුරුවක් (කොමඩු, ගස්ලබු, දොඩම්, ලෙමන් විශේෂයි.)

උදෑසන ආහාරවේල පෙ.ව. 7.00 පමණ
තැම්බු කඩල/රතු කවුපි/කොල්ලු යන එක් වර්ගයකින් පීරිසියක් හෝ කුරක්කන් ඉඳිආප්ප 5ක් හෝ රොටී මධ්‍යම ප්‍රමාණයේ 2ක්. මේවා සමඟ මාළු හෝ එළවළු හෝ සම්බෝලයක් ගත හැකියි.

පෙ.ව. 10.00 පමණ
බෙලි කොළ තේ කෝප්පයක් හෝ ඉහතින් සඳහන් පලතුරු යුෂ වීදුරුවක්

දිවා ආහාරය ප.ව. 12.30ට පමණ
තැම්බූ නිවුඩු හාල් බත් පීරිසි 1 -2 දක්වා, එළවළු 2ක් පලා වර්ගයක් (වැඩිපුර) මාළු, වියළි කරවල වැනි දේ සමඟ අතුරුපස ලෙස පලතුරු සලාදයක් (වැඩිපුර)

සවස 3.00ට පමණ
බාර්ලි තැම්බූ වතුර වීදුරුවක්

රාත්‍රී ආහාර වේල ප.ව. 8.00ට පමණ
තැම්බූ එළවළු වැඩි ප්‍රමාණයක් හා සුප් වර්ග ආහාරයට එකතු කර ගත හැකියි. උදෑසන ආහාර වේලට ප්‍රමාණයෙන් මදක් අඩුව නම් වඩාත් යෝග්‍යයි.

Share This Article
Hiru Tv Blog
රට වටේම මුහුදක් තිබුණත් අපේ රටේ මත්ස්‍ය...
Hiru Tv Blog
අපේ සිරුරේ නිසි ක්‍රියාකාරීත්වය සඳහා...
Hiru Tv Blog
ඕනෑම ආකාරයක ව්‍යායාම ක්‍රමයක් සෞඛ්‍යයට...
Hiru Tv Blog
Wednesday, 20 May 2020 - 15:27
Hiru Tv Blog 1,297 Views
පහසුවෙන්ම හොඳ ප්‍රෝටීන් සැපයුමක් ලබාගත...
Hiru Tv Blog
අමතකවීම් වළක්වා, බෝ නොවන රෝග නසා වියපත්...
Hiru Tv Blog
කොරෝනා වෛරස් වසංගතය හේතුවෙන් සිය විවාහ මංගල උත්සවය අවලංගු කිරීමට සිදුවූ වෛද්‍යවරයෙකු...
Hiru Tv Blog
ජැක්සන් ඇන්තනීගේ පුත් අකිල ධනුද්දර කියන්නේ කවුරුත් දන්න කවුරුත් ආදරේ කරන දක්ෂ...
Hiru Tv Blog
රංගන ශිල්පි රිතු ආකර්ෂා මනාලියක් ලෙසින් හැඩගැන්වුණු ඡායාරූප පෙලක් අන්තර්ජාලයේ...
Hiru Tv Blog
ඇසට සම්බන්ධ කළ කාචයක් මගින් විවිධ තොරතුරු විශේෂ තිරයක් නැතිව බලා ගන්නට පුළුවන්...
Hiru Tv Blog
රොබට් ඩවුනි ජූනියර් කාගේත් ආදරයට පාත්‍ර වූයේ ටෝනී ස්ටාර්ක් හෙවත් අයන් මෑන්ගේ...
Hiru Tv Blog
ඇමරිකාවේ Federal Trade Commission විසින් කල පරීක්ෂණයකට අනුව Youtube පරිශීලනය කරන දරුවන්ගේ දත්ත...
Top