පාසැල් නිවාඩුවට එන හුර­තල් දම්බෝ
Friday, 05 April 2019 - 16:06 | Views - 1,118
පාසල් නිවාඩුව බක් මාසේ මංගල සිරියත් රැගෙන අද හෙටම පැමිණෙයි. වසරේ ප්‍රීතිමත්ම සැනකෙළි සමයේ පොඩිත්තන්ගේ පමණක් නොව වැඩිහිටියන්ගේ ද ආදරණීය ‘දම්බෝ‘ යළි රිදී තිරයේ ජීවමාන වෙයි. හෙලන් ඇබර්සන් සහ හැරල්ඩ් පර්ල් යුවළගේ පන්හිඳෙන් උපන් දම්බෝ චරිතය මුලින්ම තිරයෙන් දක්නට ලැබෙන්නේ 1941 දී තිරගත කරන ලද වෝල්ට් ඩිස්නි නිෂ්පාදනයක් වන දම්බෝ සජීවීකරණ අමෙරිකානු සිනමාපටය සමඟිනි. ඒ සිනමා නිර්මාණය විචාරකයන්ගේ ඉහළම ඇගැයුමත් ප්‍රේක්ෂකයන්ගේ මනාපයත් නොඅඩුව ලැබූ සංරක්ෂණය කිරීමට තරම් කලාත්මක වටිනාකමකින් යුතු වූවක් විය.

සිනමා පටයේ ජනප්‍රියකම නිසාම විසි එක් වැනි සියවසේ නැවත වරක් දම්බෝ නම් පියඹන අලි පැටවාගේ කතාව මන:කල්පිත වීර වෘතාන්තයක් ලෙස නිර්මාණය වී ඇත. පසුගිය 29 වැනිදා සිට සිනමා පටය ලොවපුරා තිරගත වීම ඇරැඹිණි. මීට සමගාමීව මෙම චිත්‍රපටය EAP Films විසින් අපේ රටේ ප්‍රදර්ශනය කිරීම අරඹන අතර එය රාජගිරියේ ජනජය සිටි හි Savoy Premiere Cinema ශාලාවේ සහ Colombo City Center හි SCOPE සිනමා ශාලාවල තිරගත කෙරේ.

ඒ මුල් සිනමා පටය තිරගතවීමේ 78 වැනි සංවත්සරය ඔක්තෝබරයේදී සැමරීමට නියමිතව තිබියදීය. එහෙත් නව දම්බෝ සිනමා පටයේ කාටුන් දම්බෝ නිර්මාණයට වඩා වෙනස් කම් තිබේ. පළමු නිර්මාණයේ සිටියේ එක් ප්‍රධාන මිනිස් චරිතයක් පමණි. ඒ කුරිරු රිංග්මාස්ටර්ගේ චරිතයයි. නව සිනමා නිර්මාණයේ ප්‍රධාන චරිත ගණනාවක්ම දැකිය හැකිය. මෙහි කතා කරන සත්ව චරිත නොතිබීමත් සුවිශේෂීතාවකි. මුල් සිනමා පටය මිනිත්තු 64 කට සීමා වුවද නව සිනමා පටය මිනිත්තු 115ක් පුරා රස විඳීමේ අවස්ථාව උදාකර දී ඇත.

දම්බෝ කතාව සතුන්ට කරුණාව දැක්වීම ගැන පාඩම් රැසක් ලොවට ගෙන එන්නේ එය කාලීන අවශ්‍යතාවක්ව තිබියදීය. සර්කස් හිමිකරු මැක්ස් මෙඩිසි විසින් පශු වෛද්‍ය සහ සර්කස් තරුවක්වූ හෝල්ට් ෆැරියර්ට අලුත උපන් අලි පැංචා බාර දුන්නේය. එහෙත් උගේ පෙනුමට ඔවුන් කිසිසේත්ම මනාපයක් දැක්වූයේ නැත.

අති විශාල කන් නිසා ඌ සැවොම සිනා ගන්වන කාටුනයක් හා සමාන විය. උගෙන් සර්කස් කණ්ඩායමට ආදායමක් ලැබීමට නොහැකිවේයැයි සැවොම සිතුවද හෝල්ට්ගේ දරුවන් දම්බෝට පියාඹන්න‍ට හැකි බව සොයා ගත් පසු උගේ ඉරණම වෙනස් විය. දම්බෝ යනු තව දුරටත් පළල් විශාල කන් ඇති අලි පැංචකු නොව ජනප්‍රිය අලි තරුවක් විය.

නව දම්බෝ ටිම් බර්ටන්ගේ අධ්‍යක්ෂණයකි. ටිම්, බැට්මෑන්, ප්ලැනට් ඔෆ් ද ඒප්ස්, චාලි ඇන්ඩ් ද චොකලට් ෆැක්ටරි, ඇලිස් ඉන් වොන්ඩර්ලන්ඩ් වැනි හොලිවුඩයේ ජනප්‍රිය සිනමා පට ගණනාවකම අධ්‍යක්ෂවරයාය. ඔහුගේ කෝප්ස් බ්‍රයිඩ්, ෆ්‍රෑන්කන්වීනී සජීවීකරණ සිනමා පට දෙක ඇකඩමි සම්මාන උලෙළේ හොඳම සජීවීකරණ වෘතාන්ත ලෙස නිර්දේශිත විය.

සිනමා පටයේ සංගීතය අමෙරිකානු තනු නිර්මාපකයකුවූ ඔස්කාර් සම්මාන හතරකට නිර්දේශ වූ ඩැනී එල්ෆ්මන් ගෙනි. කොලින් ෆැරල්, හෝල්ට් ෆැරියර් ලෙස රඟන්නේය. ජනප්‍රිය අලියකු සොයන ව්‍යවසායකයාගේ චරිතයට පණ දෙන්නේ මයිකල් කීටන්ය. කුඩා සර්කස් කණ්ඩයාමක් ගොඩ නඟා ගැනීමට වෙර දරන මැක්ස් මෙඩිසි බවට පත් වන්නේ ඩැනී ඩිවියෝය. කොලට් මාචන්ට් ලෙස රඟන එවා ග්‍රීන් සිනමා පටයේ සර්කස් ශිල්පිනියකි. සිනමා පටයේ සෙසු ප්‍රධාන චරිත ඇලන් ආකින්, නිකෝ පාකර්, රෝෂන් සෙත් ආදී ප්‍රමුඛ පෙළේ තරු රඟති.
Share This Article
Hiru Tv Blog
මාස 9ක් වූ ගර්භණී සමය ප්‍රධාන වශයෙන් කොටස්...
Hiru Tv Blog
Tuesday, 21 May 2019 - 9:50
Hiru Tv Blog 553 Views
* ආමන්ඩ් ඇට කිහිපයක්, රැයක් වතුරේ පෙඟෙන්නට...
Hiru Tv Blog
කාන්තාවකගේ රූ සපුව වඩාත් ඔප් නැංවෙන්නේ...
Hiru Tv Blog
රුධිරය ඕනෑවටත් වඩා ගලා යන ස්වරූපයෙන් පැවතීම...
Hiru Tv Blog
හැම කාන්තාවකගේම සිහිනය කවදා හෝ දිනක මව්...
Hiru Tv Blog
2019 මිස් බ්‍රිටිෂ් එම්පයර් ලෝක රූ රැජිණ තරගයේ කිරුළු පැලඳවීමේ උළෙල මෙවර ගල්කිස්ස...
Hiru Tv Blog
‘‘2007 පසුවයි මම කලාවට එන්නේ. දැන් අවුරුදු දොළහක් වෙනවා. එදා ඇඹිලිපිටියේදී ගෙවූ...
Hiru Tv Blog
මගේ ගෙදර තියෙන්නෙ පන්සල ඉස්සරහයි. ඉතින්.. පොඩි කාලේ මට පන්සලේ බණ කතා, කවිබණ, බෝධිපූජා...
Hiru Tv Blog
ඇපල් සමාගමට අයත් ස්‌ටෙල්ත් වර්ගයේ නවතම මෝටර් රියේ රහස්‌ සොරකම් කළ ජියොන්...
Hiru Tv Blog
Friday, 08 February 2019
Hiru Tv Blog 14,601 Views
ලොව පුරා ඇපල් ජංගම දුරකථනවල අලෙවිය අඩු වීම හේතුවෙන්, iPhoneවල මිල අඩු කිරීමේ අදහසක්...
Hiru Tv Blog
ලොව පුරා ඇපල් ජංගම දුරකථනවල අලෙවිය අඩු වීම හේතුවෙන්, iPhoneවල මිල අඩු කිරීමේ අදහසක්...
Top