බසය ගෙයක් කර ගත්තේ විනෝදයට නොවෙයි- අබලන් බස්රථයේ දිවි ගෙවන අසරණ පවුලක්
Thursday, 24 January 2019 - 11:56 | Views - 3,412
ස්ථිර නිවසක් නොමැතිවීම හේතුවෙන් මහියංගණ රජමහ විහාරස්ථානය ඉදිරිපිට ප්‍රධාන මාර්ගය පසෙක ඇති තම අබලන් බස්රථයේ දිවි ගෙවන අසරණ පවුලක් ස්ථිර නිවසක් ඉදි කර ගැනීමට පරිත්‍යාගශීලීන්ගේ ආධාර උපකාර බලාපොරොත්තු වෙයි.

මෙම පවුලේ ගෘහ මූලිකයා  පියා විමල් විජේරත්න වන අතර ඔහු වෘත්තියෙන් රියදුරෙකි. ඔහුගේ බිරිඳ වන ගයානි කාංචනමාලා හා දරුවන් වන හෂේන් ගයනෙත් (09) හා මින්දි අමායා (අවු1 මා.09) මේ වනවිට මාස 09කට ආසන්න කාලයක් තිස්සේ ඔවුන් සතු  අබලන් බස් රථය සිය නිවහන කොට ගෙන සිටිති.

අබලන් බස් රථය තුළ කිසිදු මූලික පහසුකමක් හෝ නොමැතිව ඔවුන් දිවි ගෙවන අතර මෙම පවුලේ ආදායම් මාර්ගය බවට පත්ව ඇත්තේ ආහාර පාර්සල් සකස් කොට අලෙවි කිරීමය.

‍හෂේන් මේ වන විට මැදයාය කනිෂ්ඨ විද්‍යාලයේ 4 ශ්‍රේණියේ ඉගෙනුම ලබන අතර ඔහු පාසල් යන්නේ පාරේ නවතා තිබෙන බස් රථයේ සිටය. මේ නිසා ඔහුට අනිත් දරුවන් සේ පාඩම් කරන්න පහසුකම් නොමැත. රාත්‍රියට විදුලි ආලෝකය නොමැත. පොත් පත් තියාගන්නට විශේෂ තැනක් නොමැත. ඒ වගේම ඔහුටම කියා කාමරයක් නොමැත. නිදාගැනීමට හෝ  ස්ථිර තැනක් නොමැත. ඔහු ඇතුළු පවුලේ සියල්ලන් නිදාගන්නේ බස් රථය තුළ මෙට්ටයක් බිම දමා සකසා ගත් තැනකය.

බස් රථයේ දිවි ගෙවන මෙම පවුලට වැසිකිළි කැසිකිළි පහසුකම් නොමැති අතර ඒ සඳහා ඔවුහු මහියංගණ රජමහා විහාරස්ථානයේ පොදු වැසිකිළි භාවිත කිරීමට පුරුදුව සිටිති. ඔවුන්ට අවශ්‍ය ජලය ලබා ගැනීමට ද බොහෝ දුරක් යෑමට සිදුව තිබේ.

හෂේන්ගේ පියා රියදුරු රැකියාවේ බැරෑරුම්කම හා අනුන්ගේ බස් වෙනුවෙන් මහමගදී සිදුවන ගුටි බැට හුවමාරු කරගැනීම් නිසා තමන්ට කියා බස් රථයක් මිලදී ගැනීමට තීරණය කර තිබේ.

ඒ අනුව කල්බදු සමාගමක් මගින් පැරණි බස් රථයක් මිලදී ගත්තද පසුව ඒ සඳහා මාර්ග බලපත්‍ර සකස් කර ගැනීමට යෑමේදී  විශාල මුදලක් වැයවන බව දැන ගැනීමෙන් අනතුරුව ඒ සිහිනය අතහැර දමන්නට ඔවුන්ට සිදුව ඇත.

බස් රථයට වාරික ගෙවන අතරතුර නිවසේ කුලී ගෙවාගත නොහැකිව අපහසුතාවට පත් වූ හෙයින් හෂේන්ගේ පියා තමන් මිලදී ගත් බස් රථය සිය නිවහන බවට පත් කර ගැනීමට තීරණය කර තිබේ. එසේ බස් රථය සිය නිවහන බවට පත් කර ගැනීමෙන් අනතුරුව එහි වූ කුඩා මුළුනැත්ගෙයි සිට තම සුළු ව්‍යාපාරය ආරම්භ කොට ඇත.

 බස් රථයේ ණය වාරික ගෙවා ගැනීමට නොහැකිවීම නිසා නොබෝ දිනකින් තමන් ජීවත්වන බස් රථය ද අහිමි වන තත්ත්වයකට පත් වී ඇති බව මෙම දෙපළ පවසා සිටියහ.

තමන් පත්ව ඇති අසීරුතාව පිළිබඳ අවධානය යොමු කොට කුඩා නිවසක් හෝ ඉදිකර ගැනීමට උපකාර කරන මෙන් ඔවුහු පරිත්‍යාගශීලීන්ගෙන් ඉල්ලා සිටිති.

ඔවුන් වෙනුවෙන් මුදල් පරිත්‍යාග කළ හැකි අයෙකු වෙතොත් ලංකා බැංකුවේ නොච්චියාගම ශාඛාවේ ජී.ඩබ්ලිව් ජී කාංචනමාලා මහත්මිය නමින් 6475532 දරන ගිණුම් අංකය යටතේ විවෘත කොට ඇති ගිනණුමට ඒ සඳහා වන ආධාර මුදල් බැර කළ හැකිය.

මේ පිළිබඳ  වැඩිදුර තොරතුරු 077-4279253 / 077-3036313 යන දුරකථන අංකවලට ඇමතීමෙන් ලබා ගත හැකිය.
රංජිත් කරුණාවීර

ලංකාදීප
Share This Article
Hiru Tv Blog
යෝගාසන සම්බන්ධයෙන් සමහර පුද්ගලයන් සිතන්නේ...
Hiru Tv Blog
ඇස් වටා කළු පැහැවීම සහ ඇස් වටා සම රැලි වැටීම...
Hiru Tv Blog
රැකියා ස්ථානයේ දී කවුරුන් හෝ පැවසූ දෙයක්...
Hiru Tv Blog
දිනකට තක්‌කාලි දෙකකට වඩා අනුභව කරන වැඩිහිටි...
Hiru Tv Blog
මෙසේ පිටතට නොපෙනෙන උදරය හා අභ්‍යන්තර...
Hiru Tv Blog
ජනප්‍රිය දකුණු ඉන්දීය සිනමා නිළි නයනතාරා හා ඉන්දීය නළු විග්නේෂ් ශිවන් අතර ඇති...
Hiru Tv Blog
මිචෙල් දිල්හාරා කියන්නේ නිරන්තරයෙන්ම රංගනයෙන් දකින්න ලැබෙන චරිතයක්. ඒ වගේම...
Hiru Tv Blog
මගේ තාත්තා වැඩ කළේ මිල්ටරි හමුදාවේ. 1955 දී මගේ තාත්තාට හුරුළුවැව ව්‍යාපාරය යටතේ...
Hiru Tv Blog
Saturday, 06 July 2019
Hiru Tv Blog 6,294 Views
1G , 2G, 3G  යන යුග පසු කරමින් වර්තමානයේ අපි ඉන්නේ 4G, 4G LTE  යුගයේ, ඔන්න දැන් 4G LTE  යුගයේත්...
Hiru Tv Blog
පසුගියදා Facebook, Instagram, WhatsApp යන සමාජ මාධ්‍ය ජාලා හදිසියේම කඩාවැටීමකට ලක්වුණා. WhatsApp සහ...
Hiru Tv Blog
Android 4.0.3, IOS 8 හෝ KaiOS 2.5.1 මෙහෙයුම් පද්ධති වලින් ක්‍රියාත්මක වන ජංගම දුරකථන WhatsApp භාවිතය...
Top