ඔබ ලස්සන කරන දෙපා ආකර්ශනීය කර ගන්නා හැටි
Thursday, 16 January 2020 - 14:29 | Views - 859
බොහෝ කාන්තාවන් රුව ගැන සැලකිලිමත්. ඒත් මේ රුව ලෙස බොහොමයක් කාන්තාවන් සිතා සිටින්නේ මුහුණ, හිසකේ ආදිය ගැන පමණයි.

මුහුණ ලස්සන වුවත්, මොනර පිලක් වන් කෙස් කලඹක් තිබුණත් දෑත්, දෙපා අවලස්සන නම් ඇය රුවැත්තියක් බව පැවසීමට අපහසුයි.

ඒ නිසා ඔබ නියාමාකාර රුවැත්තියක් වීමට නම් සම්පූර්ණ සිරුරම ලස්සන විය යුතුයි. සුන්දර, නිරෝගී දෙපයක් ඔබේ සිරුරේ සුන්දරත්වයේ කැටපතක් බඳු ය. ඒ සඳහා ලස්සන දෙපයක් හිමිකර ගැනීමට ඔබ කළ යුතු දේ ගැන අපි මෙලෙසින් ඔබව දැනුවත් කරන්නෙමු.

දෙපයේ සම වියළීම, සම අවපැහැ ගැන්වීම වැනි දේ නිතරම පාද සම්බන්ධයෙන් කාන්තාවන් මුහුණ දෙන ගැටලු ය. මෙසේ වන්නේ නිතර අවට පරිසරයේ ඇති කුණු, දූවිලි, අපද්‍රව්‍ය සිරුරේ වෙනත් ස්ථානවලට වඩා ඉතා පහසුවෙන් දෙපා මත තැන්පත් වීම නිසයි. එමඟින් දෙපය දිලීර ආසාදනවලට නිතර ගොදුරු වේ.

විශේෂයෙන් ම දෙපාවල විළුඹ අවට පැලී, පොතු ගැලවී ඒ අවට කුණු, දූවිලි තැන්පත් වීම නිසා දිලීර ආසාදන ඉතා පහසුවෙන් හටගනී. මේ ආකාරයට දෙපා පැලී, ඉරිතැලී යන්නේ සිරුරේ අධික උෂ්ණත්වය නිසා බව වෛද්‍ය මතයයි. මේ සඳහා අභ්‍යන්තර ප්‍රතිකාර ලෙස සිසිල් ගුණයෙන් යුතු කෑම බීම ආහාරයට එක්කර ගැනීම හා වැඩිපුර ජලය පානය කිරීම වැදගත් වේ. එමෙන් ම දෙපාවල හටගන්නා වෙනත් ගැටලු ලෙස දෙපයෙන් දුගඳක් හැමීම, දෙපාවලට අධික ලෙස දහදිය දැමීම, දෙපාවල වියළි බව, දෙපාවල දැවිල්ල, පාදවල වෙහෙසකර බව, පාවහන් නිසා ඇතිවන ආබාධ ආදිය දැක්විය හැකියි.

මෙහිදී දෙපාවල දැඩි උණුසුම් බව, නිතර දහදිය දැමීම වැළැක්වීම සඳහා උඳුපියලිය, කෝමාරිකා යුෂ හා එළකිරිවලින් අඹරා ආලේප කිරීම සුදුසු ය.

එමෙන්ම දෙපාවල ඇති රළු බව නැතිකර ගැනීම සඳහා නිදිකුම්බා, ගම්සූරිය කොළ තම්බාගත් වතුරේ මඳ උණුසුම ඇතිව දෙපා මඳ වේලාවක් තබාගෙන සිටින්න. පසුව වෙනිවැල්, සුදු හඳුන්, නෙළුම් රේණු, ඉඟුරු කුඩු යනාදිය පිපිඤ්ඤා යුෂවලින් මිශ්‍රකර දෙපාවල ආලේපකර විනාඩි 20ක් පමණ වේලාවක් තිබෙන්නට හරින්න. දැන් එය හොඳින් ස්ක්‍රබ්කර සිසිල් දියෙන් සෝදා හරින්න. මෙමඟින් දෙපාවල ඇති පාවහන් නිසා ඇති වූ පැල්ලම් පවා ඉවත්කර ගත හැකියි.

පාදවල දහදිය දැමීමට පිළියමක් ලෙස ඔබට මඳ උණුසුම් වතුරට ලැවෙන්ඩර් තෙල්, සයිප්‍රෙස් තෙල්, ජුනිපර් සුගන්ධ තෙල් බිංදු කීපයක් දමා දෙපා එම වතුරේ තබා සිටීමෙන් දහදිය දුගඳ නැති වේ.

පාදවල වියළි බව

නැතිකර ගැනීම සඳහා තලතෙල් මඳක් රත්කර එයට මී පැණි තේහැන්ඳක් මිශ්‍රකර දෙපා මත ආලේපකර හොඳින් සම්බාහනය කරන්න. පසුව ඇල්දියෙන් සෝදා හරින්න.

ඇතැම්විට සිරුරේ ඌෂ්ණය අධික වීමෙන් ඔබට නින්ද නොයෑම වැනි තත්ත්වයන් ද ඇති විය හැකියි. එවැනි තත්ත්වයක් ඔබට පවතී නම් පහත සඳහන් ආකාරයෙන් ප්‍රතිකර්ම කිරීමෙන් එම ගැටලුවෙන් මිදිය හැකියි. මඳ උණුසුම් ජලයට ඉඟුරු කුඩු තේ හැන්දක් හා අබ කුඩු තේ හැන්ඳක් එකතුකර එම ජලයේ දෙපා දමාගෙන සිටින්න. මඳ වේලාවකින් දෙපා තෙත මාත්තුකර තල තෙල් හෝ එළඟිතෙල් ස්වල්පයක් දෙපයේ ආලේප කරන්න.

මුහුණට හා සිරුරේ අනෙක් ප්‍රදේශවලට වඩා ඇතැම් අයගේ දෙපය පැහැපත් බවින් අඩු ය. එවැනි අයට තම දෙපාවල පැහැපත් භාවය වැඩිකර ගැනීමට වෙනිවැල්, වැල් මදට, නෙල්ලි කුඩු, කස්තුරි කහ, යෝගට්, ඉදුණු බෙලි ගෙඩියක මදය, කඩල පිටි ආදිය සම ප්‍රමාණවලින් ගෙන හොඳින් මිශ්‍රකර දෙපයේ ආලේප කරන්න. ආලේපය වියළුණාට පසුව ඇල් දියෙන් සෝදා හරින්න.

ඔබගේ යටි පතුල් පැලෙනවා නම් ඒ සඳහා මී ඇට, තල තෙල්, එළඟිතෙල් වලින් කකාරවා මඳ උණුසුම ඇතිව එම ස්ථානවල ආලේප කරන්න.

මෙම ප්‍රතිකර්ම සිදු කිරීමෙන් ඔබට නිරෝගී, ලස්සන දෙපා යුගලක් ලබා ගත හැකියි.

Share This Article
Hiru Tv Blog
විටමින් K, A, B1, B2, B6, C සහ E, යකඩ, මැන්ගනීස්, කැල්සි‍යම්,...
Hiru Tv Blog
Friday, 21 February 2020 - 10:46
Hiru Tv Blog 425 Views
රෑට නාන්න පුරුදු වෙලා ඉන්න ගොඩක් අය  නොදැණුවත්කම...
Hiru Tv Blog
Thursday, 20 February 2020 - 8:15
Hiru Tv Blog 108 Views
කෙතරම් මිහිරි හඬක් වුව එය අපට ඇසෙන්නේ නැත්තම්...
Hiru Tv Blog
වර්තමානයේ අක්ෂි කාච බද්ධ කිරීම සඳහා නවීන...
Hiru Tv Blog
- මධූර් යනු මධුපැණිය. මලකින් රොන් ගෙන මී...
Hiru Tv Blog
ලෝක ප්‍රසිද්ධ හොලිවුඩ් චිත්‍රපට අධ්‍යක්ෂවරයෙක් වුන ස්ටීවන් ස්පීල්බර්ග්...
Hiru Tv Blog
දමිල සිනමා නිළී කාජල් අග්‍රාවාල්ගේ ඉටි රුව පසුගියදා සිංප්පූරුවේ පිහිටි ‘මැඩම්...
Hiru Tv Blog
චෙන්නායි නගරයේ සාමාන්‍ය පවුල් ජීවිතයක් ගෙවන සාමාජිකයන් සිවුදෙනෙකුගෙන් යුත්...
Hiru Tv Blog
ඇමරිකාවේ Federal Trade Commission විසින් කල පරීක්ෂණයකට අනුව Youtube පරිශීලනය කරන දරුවන්ගේ දත්ත...
Hiru Tv Blog
පසුගියදා පැවැති RightsCon නමැති ඩිජිටල් යුගයේ මානව හිමිකම් පිළිබඳ වූ සමුළුවේදී කතාබහට...
Hiru Tv Blog
Saturday, 06 July 2019
Hiru Tv Blog 11,626 Views
1G , 2G, 3G  යන යුග පසු කරමින් වර්තමානයේ අපි ඉන්නේ 4G, 4G LTE  යුගයේ, ඔන්න දැන් 4G LTE  යුගයේත්...
Friday, 21 February 2020
Hiru Tv Blog 425 Views
Top