නිරෝගීව සිටින්න ගෙදරදීම හදාගන්න පුලුවන් Juice වර්ග 11ක්
Friday, 20 December 2019 - 11:57 | Views - 1,235
මේ දිනවල අපට අත්විදීමට සිදුව ඇත්තේ ගත දහඩියෙන් පිරී යන උණුසුම් කාලගුණ තත්වයකටය. වෙහෙසුනු ගතට බීම වීදුරුවක් කෙතරම් සුවයක් ගෙනදේද. ඒ බීම වීදුරුව ස්වභාවික පළතුරකින් සැකසූවක් නම් ඒ සිසිලස ආශ්වාදය කෙතරම්ද.

ගුණදායක දේශීය පළතුරු හෝ එළවලු යොදාගෙන සකසා ගන්නා බීම වර්ග තුළින් රෝග වලින් තොර සෞඛ්‍ය සම්පන්න ජීවිතයක් ඔබට උදා කරයි. සිරුරට අහිතකර කෘතිම බීම වර්ග පානයෙන් වැලකී අපේ රටේ ගහකොළවල වැවෙන මල්, කොළ, ගෙඩිවලින් සැකසූ පාන වර්ග වලින් ඔබගේ මුදල් ඉතිරියත්, ශරීරයේ ප්‍රතිශක්තිය හා රෝග සුව කර ගැනීම හා පෝෂණ වර්ග හා විටමින් වර්ග රාශියක් ලබාගැනීමටත් හැකිවේවි.

මේ ඔබට පහසුවෙන් සොයාගත හැකි පළතුරු, එළවලු වලින් සකසා ගත හැකි බීම වර්ග කිහිපයකි.

 01. බෙලි බීම
 bael juice

ඉදුණු බෙලිවල ඇට ඉවත් කර එයට සීනි අවශ්‍ය නම් එළකිරි එක්කර බ්ලෙන්ඩ් කර අවශ්‍ය පමණට ලුණු දමා ශීතකර හෝ අයිස් කැට දමා බීමට ගන්න.

ගුණ – මල බද්ධය නැති කරයි
සිරුරේ දැවිල්ල, පිපාසය නැති කරයි.
ග්‍රහනි, අන්ත්‍ර රෝගවලට හිතකරයි.

 02. සියඹලා බීම
 Tamarind drink

හොදින් ඉදුණු සියඹලා සෝදා ඇට ඉවත් කර හොදින් පොඩිකර අවශ්‍ය පමණ වතුර දමා පෙරාගෙන ලුණු, සීනි හා කුරුදු කුඩු ස්වල්පයක් දමා ශීතකර හෝ අයිස් කැට දමා බීමට ගන්න.

ගුණ – ආහාරවල යකඩ හොදින් සිරුරට අවශෝෂණය කරයි.
ආහාර රුචිය වඩවයි.
පිපාසය දාහය නැති කරයි.

 03. වෙරළු බීම
Veralu Drink

හොදට ඉදුණු වෙරළු හොදින් පොඩිකර ඇට ඉවත් කර වතුර දමා පෙරා දෙහි, ලුණු, සීනි එක්කර ශීතකර හෝ අයිස් කැට දමා බීමට ගන්න.

ගුණ – ආහාර රුචිය ඇති කරයි.
දියවැඩියා රෝගීන්ට සීනි නොමැතිව බීම සුදුසුය.
අක්මා, අමාශ රෝගවලට හිතකරයි.

 04. කෝමාරිකා බීම
komarika drink 1

කෝමාරිකා පිත්තක් ගෙන කොලපැහැති පිට පොත්ත හොදින් ඉවත් කර ජෙලි වැනි කොටස හොදින් සෝදා කැබලිවලට කපා බ්ලෙන්ඩ් කර අවශ්‍ය පමණට ජලය දමා සීනි, ලුණු, දෙහි ඇඹුල් මිශ්‍ර කර ශීතකර හෝ අයිස් කැට දමා බීමට ගන්න.

ගුණ – අම්ල පිත්ත (ගෑස්ට්‍රයිටීස්) වලට ඉතා ගුණය
ශරීර දාහය පිපාසය නැති කරයි
උණට, මුත්‍රා නොයාමට, අත්මා රෝගවලට හිතකරය.

 05. අමු අඹ බීම
Mango drink

අමු අඹවල පොතු ඉවත් කර කැබලිවලට කපා ඇට ඉවත් කර බ්ලෙන්ඩ් කර පෙරා අවශ්‍ය පමණ වතුර දමා සීනි, ලුණු, ගම්මිරිස් කුඩු දමා ශීතකර හෝ අයිස් කැට දමා බීමට ගන්න.

ගුණ – ආහාර රුචිය ඇති කරයි
සිරුරේ දැවිල්ල නැති කරයි
දියවැඩියා රෝගීන්ට සීනි නැතිව බීම හොදයි.

06. කාමරංගා බීම
star fruit juice

හොදින් පැසුණු කාමරංගා ගෙඩිගෙන දාර ඉවත් කර කැබලිවලට කපා බ්ලෙන්ඩ් කර අවශ්‍ය පමණට වතුර දමා පෙරා ගෙන සීනි, ලුණු, දෙහි ඇඹුල් මිශ්‍ර කර ශීතකර හෝ අයිස් කැට දමා බීමට ගන්න.

ගුණ – උණට සිරුරේ දැවිල්ලට හිතකරයි
පිපාසයට අග්‍ර ඖෂධයකි
කෑම අරුචියට, බඩගින්න අඩුකමට හිතකරයි.

07. අනෝදා බීම
 anoda juice

හොදින් ඉදුණු අනෝදා ගෙඩියේ පොතු හා ඇට ඉවත් කර බ්ලෙන්ඩ් කර අවශ්‍ය පමණට ජලය දමා සීනි, ලුණු, දෙහි ඇඹුල් දමා ශීතකර හෝ අයිස් කැට දමා බීමට ගන්න.

ගුණ – මල බද්ධය නැති කරයි
සිරුරේ දැවිල්ල, පිපාසය අඩු කරයි.
අධි රුධිර පීඩන හා හෘද රෝගීන්ට හිතකරයි.

08. පේර බීම
 Guava drink

පේර මදය බ්ලෙන්ඩ් කර අවශ්‍ය පමණට වතුර දමා පෙරා ගෙන දමා ශීතකර හෝ අයිස් කැට දමා බීමට ගන්න.

ගුණ – ආහාර අරුචිය නැති කරයි.
රක්තවාතයට හිතකරයි
හෘද රෝගවලටද හිතකරය

09. වදමල් බීම
 shoe fower drink 1

රතු පොකුරු වදමල්වලට උණුවතුර දමා ගත්විට එම මල් සුදු පැහැවන විට ඉවත් කර එම ජලය නිවාගෙන හෝ රස්නයෙන් පානය කළ හැක. මෙම ජලය නිවා ශීතකරණයේ තබා අවශ්‍ය විටෙක සීනි, ලුණු දමා අවශ්‍ය පමණට දෙහි යුෂද දමා ශීතකර හෝ අයිස් කැට දමා බීමට ගන්න.

ගුණ – රත්පිත් හා අම්ල පිත්ත රෝග (ගෑස්ට්‍රයිටීස්) වලට හිතකරයි.
ළදරුවන්ගේ රතරෝග, බිබිලි හා සමේ රෝගවලට ගුණදායකය.

10. කොමඩු බීම
 Watermelon drink

කොමඩු වල පොතු ඉවත් කර ඇට ඇතිව හෝ නැතිව හොදින් බ්ලෙන්ඩ් කර අවශ්‍ය පමණට වතුර දමා පෙරා සීනි, ලුණු, දෙහි යුෂ දමා ශීතකර හෝ අයිස් කැට දමා බීමට ගන්න.

ගුණ – වකුගඩු රෝගීන්ට ඉතාමත් ගුණ බීමකි
ශරීර දාහය, පිපාසය නැති කරයි.
මුත්‍රා දැවිල්ල, මුත්‍රා පිරිසිදු කිරීම හා මුත්‍රා ගල් ඇති රෝගවලට හිතකරයි.

11. ඉදුණු වරකා බීම
Jackfruit juice

වරකා මදුළු ඇට ඉවත් කර කැබලි කපා වතුර දමා හොදින් බ්ලෙන්ඩ් කර ක්‍රීම් එකක්වූ විට අවශ්‍ය පමණට වතුර දමා සීනි, ලුණු හා අවශ්‍ය නම් ගම්මිරිස් කුඩු දමා ශීතකර හෝ අයිස් කැට දමා බීමට ගන්න.

ගුණ – ශරීර ශක්තිය ඇති කරවයි
සිරුරේ දැවිල්ල, පිපාසය නැති කරයි.
Share This Article
Hiru Tv Blog
මේ දිනවල දහවල් කාලයේ දැඩි අව් රශ්මියක්...
Hiru Tv Blog
ස්වභාවික පානයක් වන තැඹිලි වතුරේ ඔබ නොදන්නා...
Hiru Tv Blog
සුන්දර, සිහින්, නිරෝගිමත් සිරුරක් ලබාගැනීම...
Hiru Tv Blog
සෞභාග්‍යයෙන් පිරිපුන් අපේ ශ්‍රී ලංකා...
Hiru Tv Blog
හිස කෙස් සුදු පැහැවීම වයසට යනවිට සිදුවන...
Hiru Tv Blog
සරාගී නිළි ටීනා ෂනෙල්ගේ නවතම ඡායාරූප පෙළක් අන්තර්ජාලයට එක් කර තිබෙනවා.එම ඡායාරූප...
Hiru Tv Blog
අතිදක්‍ෂ ඡායාරූප ශිල්පියෙක්, හදවතටම කතා කරන ලයාන්විත හඬක් හිමි ගායකයෙක් ලෙස...
Hiru Tv Blog
ශ්‍රී ලාංකේය ටෙලිනාට්‍ය කලාවට කවදත් තරුවල හිඟයක් තිබුණේ නැත. වසරින් වසරට හෝ...
Hiru Tv Blog
ඇමරිකාවේ Federal Trade Commission විසින් කල පරීක්ෂණයකට අනුව Youtube පරිශීලනය කරන දරුවන්ගේ දත්ත...
Hiru Tv Blog
පසුගියදා පැවැති RightsCon නමැති ඩිජිටල් යුගයේ මානව හිමිකම් පිළිබඳ වූ සමුළුවේදී කතාබහට...
Hiru Tv Blog
Saturday, 06 July 2019
Hiru Tv Blog 11,570 Views
1G , 2G, 3G  යන යුග පසු කරමින් වර්තමානයේ අපි ඉන්නේ 4G, 4G LTE  යුගයේ, ඔන්න දැන් 4G LTE  යුගයේත්...
Top