ලිංගික හිරිහැර ගැන සම්මානලාභී සුරූපී නිළියගේ අනාවරණයෙන් පසු ප්‍රංශ සිනමාව කැළඹෙයි
Friday, 08 November 2019 - 11:15 | Views - 1,018

යොවුන් වියේ දී රංගනයෙන් එක්වූ පළමු සිනමාපටයේ අධ්‍යක්ෂවරයා තමන්ට ලිංගික හිරිහැර සිදු කළේ යැයි ප්‍රංශයේ සම්මානලාභී රංගන ශිල්පිනියක කළ අනාවරණය, එරට සිනමා කර්මාන්තය තුළ දැඩි ආන්දෝලනයක් ඇති කිරීමට හේතු වී තිබේ.

ලිංගික හිරිහැර ගැන නිළි ඇඩෙල් හයිනල් ප්‍රසිද්ධියේ ප්‍රකාශ කිරීමට තීරණය කර ඇත්තේ “ලීවින්ග් නෙවර්ලෑන්ඩ්” නම් වාර්තා චිත්‍රපටය නැරඹීමෙන් අනතුරුව ය. එය නැසීගිය ලෝක ප්‍රකට ගායන ශිල්පී මයිකල් ජැක්සන් ළමයින් සමඟ පැවැත්වූ සම්බන්ධතා ගැන හෙළි කළ චිත්‍රපටය කි.      

“එය මගේ දෘෂ්ටිකෝණය වෙනස් කළා,” යනුවෙන් මිඩියාපාට් පුවත් වෙබ් අඩවිය සමඟ පැවැත්වූ දීර්ඝ සහ සංවේදී සම්මුඛ සාකච්ඡාවක් අතරතුරදී ඇය පැවසුවා ය.

“ආදර කතාවක් කියලා හිතාගෙන ක්‍රිස්ටෝෆ් රජියා(චිත්‍රපට අධ්‍යක්ෂ)ට මම දිගු කාලයක් තිස්සේ ඇලීගෙන හිටියා කියල මට ඒකෙන් තේරුණා. පාලනයේ සහ ආකර්ෂණයේ උපායන් එමඟින් මට අවබෝධ වුණා.”

මේ වනවිට 30 හැවිරිදි වියේ පසුවන හයිනල්, රජියාගේ සිනමාපටයක් වන “Les Diables” (යක්ෂයින්) හි රඟපාන විට 12 හැවිරිදි වියේ පසුවිය. සිය සොහොයුරා සමඟින් දෙමාපියන් සොයායන, ඔටිසම් රෝගයෙන් පිඩා විඳින අනාථ දැරියකගේ චරිතයක් ඇය එහිදී නිරුපණය කළා ය.

 109556322 057791713 1

වෙනත් සාක්ෂිකරුවන් 30 දෙනකු පමණ ඇතුලත් මිඩියාපාට් වෙබ් අඩවියේ විමර්ශනයට අනුව රජියා මේ යොවුන් රංගන ශිල්පිනිය කෙරෙහි ඇල්මක් ඇතිකරගෙන තිබේ. අනෙකුත් නළුවන් සහ තාක්ෂණික ශිල්පින් මෙම අවුල්සහගත තත්වය ගැන දර්ශන තලයේ දී කතා බහට ලක් කර ඇත.  

ප්‍රංශ අධිකරණ පද්ධතිය ගැන විශ්වාසයක් නැති බැවින් පැමිණිල්ලක් ඉදිරිපත් කිරීම හයිනල් විසින් ප්‍රතික්ෂේප කර තිබේ. කෙසේ වෙතත්, බාල වයස්කරුවෙකුට ලිංගික හිරිහැර සිදු කිරීම ගැන විමර්ශනයක් ආරම්භ කිරීමට රජයේ නීතිවේදින් කටයුතු කර ඇත. ඒ ප්‍රකාශිත සාක්ෂිය පදනම් කරගනිමිනි.

ලිංගික පීඩා සිදු කළේ යැයි තමන්ට එරෙහිව එල්ල වන චෝදනා සිනමා අධ්‍යක්ෂ රජියා ප්‍රතික්ෂේප කරන නමුත් රංගන ශිල්පිනි හයිනල් සම්බන්ධයෙන් ඔහුගේ හැසිරීමෙහි ‘වැරදි’ ඇති බව පිළිගෙන තිබේ.   

අවාරා

Share This Article
Hiru Tv Blog
කොවිඩ් 19 වෛරසය ව්‍යාප්තිය පාලනය කිරීමේ...
Hiru Tv Blog
නිවැරදි දෑත් සේදීම සහ මුඛ ආවරණ පැළදීම කෙරෝනා...
Hiru Tv Blog
කොවිඩ් නයින්ටීන් හෙවත් නව කොරෝනා වෛරසයේ...
Hiru Tv Blog
නම් කරන ලද රටවල් ගණනාවකින් පැමිණෙන ශ්‍රී...
Hiru Tv Blog
"සුදුලූණු කනව නම්, ඉගුරු තම්බල බොනව නම්...
Hiru Tv Blog
කුමාර් සංගක්කාර කියන්නේ ලංකාවේ සුපිරි ක්‍රීඩකයෙක් වගේම ලෝකයම දන්න හැමෝම ආදරය...
Hiru Tv Blog
Covid 19 මේ වෙද්දී ලෝකයක්ම කණපිට හරවලා. ලෝකයේ දන්න කියන හැම අහුමුල්ලකම රිංගගත්ත මේ...
Hiru Tv Blog
මේ වන විට ලෝකය වෙළා ගනිමින් සිටින කොරෝනා වෛරසය හා සටන් වදින වෛද්‍යවරුන් සහ අනෙකුත්...
Hiru Tv Blog
රොබට් ඩවුනි ජූනියර් කාගේත් ආදරයට පාත්‍ර වූයේ ටෝනී ස්ටාර්ක් හෙවත් අයන් මෑන්ගේ...
Hiru Tv Blog
ඇමරිකාවේ Federal Trade Commission විසින් කල පරීක්ෂණයකට අනුව Youtube පරිශීලනය කරන දරුවන්ගේ දත්ත...
Hiru Tv Blog
පසුගියදා පැවැති RightsCon නමැති ඩිජිටල් යුගයේ මානව හිමිකම් පිළිබඳ වූ සමුළුවේදී කතාබහට...
Top