අම්මා කෙනෙක් විදිහට, මගේ අතින්ම සිදුවිය යුතු කටයුතු වගකීම් තියෙනවා
Friday, 08 November 2019 - 9:14 | Views - 525
ජනසම්මානිත ගායිකාවක් වන නෙලූ අධිකාරිගේ හා සංගීතවේදී කපිල පූගලආරච්චිගේ සෙනෙහේ කැදැල්ලට අපි පසු ගිය දින ගොඩ වූයේ සිනමා කලා පාඨක ඔබ වෙනුවෙන් ඔවුන්ගේ නවතම තතු පිළිබඳ පිළිසඳරක යෙදෙන්නටය.

බැලූ බැල්මට අපිට පේන්නේ සංගීතය නිසාම කාර්ය බහුල වෙලා?
 
 ඇත්තටම කාර්ය බහුලයි කියලා කිව්වොත් ඒක වැරදි නැහැ. සෙනසුරාදා හා ඉරිදා යන දවස් දෙක සම්පුර්ණයෙන්ම ඇකඩමියේ දරුවන් වෙනුවෙන් කාලය වෙන් කරනවා. අපේ ඇකඩමියේ විශේෂත්වය එහි තරග විභාගයන් නොපැවැත්වුවත් අපි සෑම දරුවෙක් වෙතම අවධානය යොමු කරනවා. දැන් අපේ දුවයි, පුතයි ලොකුයි ඔවුන්ගේ අධ්‍යාපන කටයුතු සොයා බලන්න තියෙනවා දියණිය විශාඛා විද්‍යාලයේ ඉගෙනුම ලබන්නේ. පුතා රාජකීය විද්‍යාලයේ. දුව මෙවර සා.පෙළ විභාගයට සූදානම් වෙනවා. ඔවුන්ගේ කටයුතුත් නිවසේ කටයුතුත් එක්ක ලංකාවේදී ප‍්‍රසංගවලට ආරාධනා තිබුණොත් ඒවාටත් සම්බන්ධ වෙනවා. ඒ අනුව බැලූවාම අම්මා කෙනෙක් විදිහට, මගේ අතින්ම සිදුවිය යුතු කටයුතු වගකීම් තියෙනවා. ඒවා මමම කරනවා. එතකොට ගෘහණියක් විදිහට කාර්ය බහුලයි.
 
අපි ඒ කතාබහත් එක්කම කපිල දිහාට හැරුණා.
 
 ඇත්තටම දුෂ්කර පළාත්වල ඉන්න, මාධ්‍යට එන්න බැරි දරුවන්ට මෙය ඉතා හොඳ වැඩසටහනක්. ඒත් මුල් වට දරුවන්ට පවත්වාගෙන යන්න අමාරුයි බස් දෙකතුනකින් සෙන`ග කොළඹ ස්ටුඩියෝව වෙත කැඳවාගෙන එන්න ඕනේ. ඔවුන්ට කන්න බොන්න දෙන්න ඕනේ. බැනර් කටවුට් දමන්න ඕනේ... මේවාට මූලික වියදම් දරන්නේ කවුද? ජයග‍්‍රහණය කරන්න අවස්ථාව ලබුණොත් හොඳයි නැතිනම් මොකද වෙන්නේ. අර වියදම් කරපු සල්ලි අපරාදේ.... මුල් කාලයේ ඒ ඒ චැනල් වලින් තමන් බිහි කරපු සුපිරි තරුව බලා ගන්නවා. ඒත් අවුරුද්දක් යනකොට ඔවුන් තවත් සුපිරි තරුවක් බිහි කරනවා. එතකොට මුල් කෙනා නිකම්ම අමතකයි. මේ අය පැවැත්මක් හදාගන්නේ කොහොමද? මේ ශිල්පීන්ට තමන්ගේ පෞරුෂත්වය පවා හදාගන්න වෙන්නේ තමන් පෙනී හිටින චැනල් එකේ අවශ්‍යතාවය අනුවයි. සමහර දරුවන්ට තමන් අසවල් නාලිකාවේ රියැලටි ෂෝ එකේ හිටියා කියලා මතකයක් විතරක් ඉතිරි කර ගත හැකියි.
 
 x සිඩී කර්මාන්තය අවසන් වෙලා. අද කොහොමද ගීතයක් රසිකයන් අතරට ගෙනි යන්නේ?
 
 ඒකට උත්තර දුන්නේ නෙලූ
 
 අනික් ව්‍යසනය ඒක තමයි. මම මීට පෙර සංයුක්ත තැටි හතරක් කළා. ඒ මීට වසර දහයකට විතර කලින්... හොර සීඞී බිහි කිරීම ගැන රජය මැදිහත් වෙලාවත් නවත්වා ගන්න බැරි වුණා. අනෙක් කාරණය වර්තමානය වන විට තාක්ෂණයේ දියුණුවත් සමග රසිකයන් සංයුක්ත තැටි මිලදී ගන්නේ නැහැ. අන්තර්ජාලය හරහා එහෙම නැතිනම් යූ ටියුබ් හරහා තමන්ට අවශ්‍ය ගීත ඩවුන්ඞ්ලෝඞ් කර ගන්නවා. ඉස්සරට වඩා චැනල්, විද්‍යුත් නාලිකා ගොඩක් තිබුණාට ඒවායේ අපි කරන අලූත් ගීත ප‍්‍රචාරය වෙනවා අඩුයි. මම අලූත් ගීත දාහතරක් කරලා තියෙනවා ඉඳහිට රසිකයන් කියනවා ගීතයක් ඇහුණා කියලා. ඉතිං සීඞී තැටි කරලා වැඩක් නැහැ... එහෙම සංගීත තැටි කරද්දී ප‍්‍රවීණ ගීත රචකයන් අතරට ආධුනික ගීත රචකයන්ගේ රචනාත් එකතු කරගන්නවා. නමුත් අද ඒකටත් දැන් අවස්ථාව නැහැ. ඒ නිසා අලූත් හොඳ ගීත රචකයන්ට ඉදිරියට එන්න තියෙන අවස්ථාව නැති වෙලා. ඉතිං හොඳ ගීත ප‍්‍රචාරය කිරීම මාධ්‍යයේ වගකීමක් නේ. නමුත් රූප රචනා නැතිව රූපාවාහිනි නාලිකාවල ගීත ප‍්‍රචාරය වෙන්නේ නැහැ.
 
x අද හතු පිපෙන්නා වගේ සංගීත පංති පැවත්වෙනවා. මම එහෙම චෝදනාවක් කළොත්?
 
 ඇත්තටම අද දරුවන් හරිම කාර්ය බහුලයි. සමහර දෙමාපියන් හිතනවා දරුවා මේ කාර්ය බහුලත්වයෙන් හා මානසික පීඩනයෙන් ටිකක් හරි මුදා ගන්න සංගීතය යහපත් කියලා. තවත් සමහරු හිතනවා තමන්ට ගහන්න බැරිවුණ ගිටාරය දරුවා ලවා ගස්සවන්න තමන්ට කියා ගන්න බැරි වුණ සිංදුව දරුවා ලවා කියවා ගන්න උත්සාහ කරනවා. ඉතිං ඒ වගේ අවශ්‍යතාවලට අනුව පංති බිහි වෙනවා. අපිත් ඇකඩමියක් කරනවා. හැබැයි එහි තරග විභාග නැහැ. දරුවොත් එක්ක මනා සම්බන්ධතා ගොඩ නංවා ගන්නවා. සමහර දෙමාපියන් අපෙන් අහනවා සංගීත පංතිය තියෙන්නේ ඉංග‍්‍රීසියෙන්ද කියලා. ලංකාවේ ඉන්නේ, හිතන්නේ ඇමරිකාවේ විදිහට. ඒක වැරදියි. ළමයාට ළමා කාලය රසවිඳින්න දෙන්න ඕනේ. දරුවා සිංහල වගේම ඉංග‍්‍රීසිත් ඉගෙන ගන්න ඕනේ. දෙක සමබරව පවත්වාගෙන යන්න දෙමාපියන් අවස්ථාව ලබා දිය යුතුයි. අපේ පංතියට දරුවෝ එන්නේ නෙලූ එක්ක සිංදු කියන්න, මාත් එක්ක ගිටාර් ගහන්න. අපි වෙන ගුරුවරු දමලා උගන්වන්නේ නැහැ වගේම දරුවන්ගේ පෞරුෂත්වය නංවන්නටත් සහය දෙනවා. ඒකයි අපේ වෙනස.
 
 සුගත් ශාන්ත මොරගහකුඹුර
Image may contain: 2 people, including Nelu Adikari, people smiling, people standing
Image may contain: Nelu Adikari, smiling, sitting and closeup
Share This Article
Hiru Tv Blog
කායවර්ධනය සඳහා මෙන්ම ක්‍රීඩකයන් තමන්ගේ...
Hiru Tv Blog
කොල පැහැති පලා වර්ග එළවළු නිරතුරුව ආහාරයට...
Hiru Tv Blog
ප්‍රශ්නය - පිළිකා රෝගය සුව කිරීමට සහ පැතිරීම...
Hiru Tv Blog
"කළු කපුටා සුදුවන තුරු, මෝල් ගහේ දලු ලන තුරු,...
Hiru Tv Blog
සෑම ආහාර වේලකටම පසු පිරිසුදු වතුරින් කට...
Hiru Tv Blog
කාලෙකට පස්සේ නේද ඔබ නැවැත ටෙලිනාට්‍යයකට සම්බන්ධ වුණේ?අවුරුද්දකට විතර පස්සේ...
Hiru Tv Blog
අද මේ කියන්න හදන කතාව ආරම්භ වෙන්නේ 2000 වර්ෂයේ. එදත් වෙනදා වගේම නැගෙනහිර ආකාසෙන්...
Hiru Tv Blog
ලෝකයේ නිරන්තරයෙන්ම කතාබහකට මෙන්ම දැඩි අවධානයකට ලක්වෙන සුරූපී චරිතයක් තමයි...
Hiru Tv Blog
Saturday, 06 July 2019
Hiru Tv Blog 9,407 Views
1G , 2G, 3G  යන යුග පසු කරමින් වර්තමානයේ අපි ඉන්නේ 4G, 4G LTE  යුගයේ, ඔන්න දැන් 4G LTE  යුගයේත්...
Hiru Tv Blog
පසුගියදා Facebook, Instagram, WhatsApp යන සමාජ මාධ්‍ය ජාලා හදිසියේම කඩාවැටීමකට ලක්වුණා. WhatsApp සහ...
Hiru Tv Blog
Android 4.0.3, IOS 8 හෝ KaiOS 2.5.1 මෙහෙයුම් පද්ධති වලින් ක්‍රියාත්මක වන ජංගම දුරකථන WhatsApp භාවිතය...
Top