ඉතිහාසයේ විශාලතම හෙජ් අරමුදල් වංචාවට වැරදිකරු, කිම් කාර්ඩේෂියන් නිසා නිදහස් වෙයි
Wednesday, 11 September 2019 - 10:45 | Views - 6,010

එක්සත් ජනපද ඉතිහාසයේ විශාලතම හෙජ් අරමුදල් වංචාවට වැරදිකරු බවට පත්වෙමින්, සිරදඬුවම් විඳි රාජ් රාජරත්නම් මීට සති 6කට පමණ පෙර සිර ගෙදරින් නික්ම ගොස් ඇති බව බ්ලූම්බර්ග් පුවත් සේවය අනාවරණය කරයි.

ඔහු මෙලෙස පිටව ගොස් ඇත්තේ සිය දඬුවම් කාලය අවසන් වීමට තවත් වසර 2ක් ඉතිරිව තිබියදී වන අතර, ඔහුට මෙසේ වසර දෙකකට පෙර සිරෙන් නිදහස් වීමට කිම් කාර්ඩේෂියන් විසින් ජනපති ට්‍රම්ප් මාර්ගයෙන් ලබාගත් අත්සන් කිහිපයක් හේතු වී ඇති බවද ඇමෙරිකානු මාධ්‍ය වාර්තා කරයි.

සුරැකුම්පත් විනිමය නීති උල්ලංඝනය කිරීමේ චෝදනාව මත 2011 වසරේ දී වරදකරු වීමෙන් අනතුරුව වසර 11ක සිරදඬුවමක් ඔහුට නියම වූ අතර බොස්ටන් නගරයෙන් පිටත පිහිටි ෆෙඩරල් වෛද්‍ය මධ්‍යස්ථානයක් වූ බන්ධනාගාරයක ඔහුට කල්ගෙවීමට සිදුවිය.

කෙසේ වෙතත්, එක්සත් ජනපද නව නීති ප්‍රකාරව වයස අවුරුදු 60 ඉක්මවූ හෝ දීර්ඝකාලීන රෝගාබාධවලින් පෙළෙන සිරකරුවන්ට නියම කරනලද සිර දඬුවමෙහි අවසාන කාලය නිවාස අඩස්සියට පත්කරලීමේ න්‍යායද මේ ආකාරයෙන් ඔහුට නිදහස ලබාගැනීම සඳහා හේතු වී ඇත.

ඒ අනුව, ඔහුගේ සිර දඬුවමෙහි ඉතිරි කාලය මැන්හැටන් හි නැගෙනහිර පෙදෙසේ නිහඬ කොටසක මහල් නිවාසයකට කොටුව ගෙවීමට සිදුවනු ඇත. නමුත් දිවාකාලයේදී සිය වැඩකටයුතු සඳහා පිටතට යාමට ඔහුට නිදහස ඇත.

සාමාන්‍යයෙන් ඔහුගේ සිර දඬුවම අවසන් වීමට නියමිතව තිබුණේ, 2021 ජූලි 04 වැනිදාය. 2011 වසරේදී අභ්‍යන්තර වෙළෙඳාම් චෝදනාව යටතේ වැරදිකරු වූ ඔහු එවකට සිය Galleon Group LLC අරමුදල හරහා එක්සත් ජනපද ඩොලර් බිලියන 7ක් ඉක්මවූ ආයෝජන අරමුදලක් හසුරුවා තිබේ.

ශ්‍රී ලාංකික සම්භවයක් සහිත රාජ් රාජරත්නම්, ෆෝබ්ස් සඟරාවට අනුව 2009 වසරේ ලොව ධනවත්ම පුද්ගලයින්ගේ ලැයිස්තුවේ 559 වැනි ස්ථානයෙහි පසුවිය. එසේම 2000 මුල් භාගයේදී ඔහුගේ Galleon අරමුදල ලොව 10 වැනියට විශාලතම හෙජ් අරමුදල ලෙසින් සැලකිනි.

Share This Article
Hiru Tv Blog
මේ දිනවල දහවල් කාලයේ දැඩි අව් රශ්මියක්...
Hiru Tv Blog
ස්වභාවික පානයක් වන තැඹිලි වතුරේ ඔබ නොදන්නා...
Hiru Tv Blog
සුන්දර, සිහින්, නිරෝගිමත් සිරුරක් ලබාගැනීම...
Hiru Tv Blog
සෞභාග්‍යයෙන් පිරිපුන් අපේ ශ්‍රී ලංකා...
Hiru Tv Blog
හිස කෙස් සුදු පැහැවීම වයසට යනවිට සිදුවන...
Hiru Tv Blog
සරාගී නිළි ටීනා ෂනෙල්ගේ නවතම ඡායාරූප පෙළක් අන්තර්ජාලයට එක් කර තිබෙනවා.එම ඡායාරූප...
Hiru Tv Blog
අතිදක්‍ෂ ඡායාරූප ශිල්පියෙක්, හදවතටම කතා කරන ලයාන්විත හඬක් හිමි ගායකයෙක් ලෙස...
Hiru Tv Blog
ශ්‍රී ලාංකේය ටෙලිනාට්‍ය කලාවට කවදත් තරුවල හිඟයක් තිබුණේ නැත. වසරින් වසරට හෝ...
Hiru Tv Blog
ඇමරිකාවේ Federal Trade Commission විසින් කල පරීක්ෂණයකට අනුව Youtube පරිශීලනය කරන දරුවන්ගේ දත්ත...
Hiru Tv Blog
පසුගියදා පැවැති RightsCon නමැති ඩිජිටල් යුගයේ මානව හිමිකම් පිළිබඳ වූ සමුළුවේදී කතාබහට...
Hiru Tv Blog
Saturday, 06 July 2019
Hiru Tv Blog 11,570 Views
1G , 2G, 3G  යන යුග පසු කරමින් වර්තමානයේ අපි ඉන්නේ 4G, 4G LTE  යුගයේ, ඔන්න දැන් 4G LTE  යුගයේත්...
Top