මුහුණට ආදරෙයි නම් කවදාවත් මේ වැරදි කරන්න එපා
Monday, 12 August 2019 - 10:55 | Views - 6,503
සුන්දර, පැහැපත් සමක් හිමිකර ගැනීමට සෑම යුවතියක්ම කැමැතියි. ඔබගේ සුන්දරත්වය තවත් වැඩිකර ගැනීමට නිවෙසේදීම කරගත හැකි සත්කාර පිළිබඳව අප නිරන්තරයෙන් ඔබව දැනුවත් කරන්නේ ඒ නිසාමයි. සුන්දරත්වය දිගින් දිගටම පවත්වා ගැනීමට ඔබ කළ යුතු දේ මෙන්ම නොකළ යුතු දේද තිබෙනවා.

 සිරුරේ සමටත් වඩා මුහුණේ සම ඉතාම සංවේදී බැවින් මුහුණට විශේෂ අවධානයක් යොමු කළ යුතුයි. ඔබගේ සුන්දරත්වය ඔබගේ දෑතින්ම අහිමි කරවන මෙම අත්වැරදීම් ඔබත් සිදුකරනවා නම් අදම එම පුරුදුවලින් අෑත්වීමයි වඩා යෝග්‍ය වන්නේ.

සම නිතර නිතර ස්ක්‍රබ් කිරීම

සම ස්ක්‍රබ් කිරීමෙන් සමේ මැරුණු සම ඉවත්ව සම පැහැපත් වන බව ඔබ දන්නා කරුණක්. බ්ලැක්හෙඩ්ස් සහ වයිට්හෙඩ්ස් ඉවත් කිරීමටද සම ස්ක්‍රබ් කළ යුතුය. නමුත් නිතර නිතර මුහුණ ස්ක්‍රබ් කිරීම නිසා සම සීරීමට ලක්ව සමට හානිවීමට ඉඩ තිබෙනවා. එවිට සම ඉතාම ඉක්මනින් විවිධ ආසාදනවලට ලක් වෙනවා. එසේම නිතර නිතර ස්ක්‍රබ් කිරීම නිසා මුහුණ වියළී යෑමටද ඉඩ තිබෙනවා. සතියකට වරක් හෝ දෙවරක් ඉතා මෘදු ලෙස මුහුණ ස්ක්‍රබ් කිරීම වඩා යෝග්‍යයි.

අන්තර්ජාලයේ ඇති සෑම රූපලාවණ්‍ය සත්කාරයක්ම උත්සාහ කිරීම.

අන්තර්ජාලය තුළ විවිධ වූ අංශවලින් විවිධ රූපලාවණ්‍ය සත්කාර ඕනෑතරම් තිබෙනවා. නමුත් අපගේ සමට අප කරගත යුතු ඇතැම් සත්කාර වෘත්තීය නිපුණත්වයකින් යුතුව කළ යුතුයි. එවැනි සත්කාර හිතුමනාපයට අනුව නිවෙසේ තනිව සිදුකිරීමට යෑමෙන් සිදුවන්නේ සමට  හානි වීමයි.

මුහුණට සබන් භාවිත කිරීම

මුහුණ පිරිසුදු කිරීමට සබන් භාවිත කිරීම නිසා මුහුණේ තිබෙන ස්වාභාවික තෙල් සහ තෙතමනය කෙමෙන් කෙමෙන් වියැකී සම වියළීමට ලක්වෙනවා. එසේම සබන් භාවිතය නිසා සම මත අසාත්මිකතාද මතු වීමට ඉඩ තිබෙනවා.

උණු වතුරෙන් මුහුණ සේදීම

උණු වතුරින් ශරීරය සේදීමට අප ප්‍රියතාවක් දක්වනවා. උණු වතුරෙන් මුහුණ සේදීම නිසා සමේ සංවේදීතාව ඉහළ යනවා.

එසේම සමේ ස්වාභාවික තෙල් ඉවත්ව සම වියළීමට ලක්වනවා. මුහුණ මෙන්ම සිරුරද නිතර නිතර උණු වතුරෙන් සේදීමෙන් සිරුරේ සමද වියළීමට ලක්වනවා.

ෆේස් පැක් අවශ්‍ය කාලයට වඩා වැඩි වේලාවක් තැබීම

නිවෙසේදී සාදාගන්නා ෆේස් පැක් හෝ වෙළෙඳපොළෙන් මිලදී ගන්නා ෆේස් පැක් මුහුණේ ආලේප කොට තැබිය යුතු කාලයක් තිබෙනවා. බොහෝවිට ෆේස් පැක් විනාඩි 20, 15,10 යන කාල සීමාවක් තැබිය යුතුයි. නමුත් ඇතැම් යුවතියන් මෙම කාලයට වඩා වැඩි වේලාවක් ෆේස් පැක් මුහුණේ තබාගන්නවා. ඒ මත මුහුණ වියළීමට හෝ වෙනත් ගැටලු මතුවීමට ඉඩ තිබෙනවා.

සෙව්වන්දි හෙට්ටිආරච්චි
Share This Article
Hiru Tv Blog
රූ සපුව ඔප්නංවා ගැනීමට ඔලිව් තෙල් භාවිතය...
Hiru Tv Blog
Saturday, 17 August 2019 - 10:13
Hiru Tv Blog 835 Views
ආයුර්වේද - හෝමියෝපති - යුනානි -  බටහිර වෙදකම...
Hiru Tv Blog
බොහෝවිට මේවා මුහුණේ, කොන්දේ සහ කන් මත ඇති...
Hiru Tv Blog
Friday, 16 August 2019 - 12:17
Hiru Tv Blog 1,502 Views
ලස්සන කියන්නේ තමන්ට තමන්ගේ රුව ගැන ඇතිවන...
Hiru Tv Blog
ඔබ සිතයි ඒක කරන්න පුළුවන්ද කියලා. ඔව්......
Hiru Tv Blog
රුවන්.. මුලින්ම වාසනාව මුණගැහුණේ කොහොමද..?අපි දෙන්නම එකම කැම්පස් එකේ. කොළඹ විශ්වවිද්‍යාලයේ...
Hiru Tv Blog
ප්‍රියංකා චොප්රා, නික් ජෝනාස් කියන්නෙ ඉතාම ජනප්‍රිය අඹු සැමි යුවළක් බව කවුරුත්...
Hiru Tv Blog
ලබන වසරේ මාර්තු 20 වැනිදා ප්‍රදර්ශනය වීමට සූදානම් කර ඇති රෝහිත් ෂෙට්ටිගේ සූර්යවංශි...
Hiru Tv Blog
Saturday, 06 July 2019
Hiru Tv Blog 2,932 Views
1G , 2G, 3G  යන යුග පසු කරමින් වර්තමානයේ අපි ඉන්නේ 4G, 4G LTE  යුගයේ, ඔන්න දැන් 4G LTE  යුගයේත්...
Hiru Tv Blog
පසුගියදා Facebook, Instagram, WhatsApp යන සමාජ මාධ්‍ය ජාලා හදිසියේම කඩාවැටීමකට ලක්වුණා. WhatsApp සහ...
Hiru Tv Blog
Android 4.0.3, IOS 8 හෝ KaiOS 2.5.1 මෙහෙයුම් පද්ධති වලින් ක්‍රියාත්මක වන ජංගම දුරකථන WhatsApp භාවිතය...
Top