දිගු කල් පවතින සුන්දරත්වයට හිතට ගතට සත්කාර
Friday, 12 July 2019 - 15:04 | Views - 318
කෘත‍්‍රිම ආලේපන භාවිතයෙන් ලබන සුන්දරත්වයට වඩා ස්වාභාවිකව ගෙන දෙන සුන්දරත්වය කාන්තාවකට ආභරණයකි. ඒ ආභරණය පලඳින්නට නම් ඔබ සතුව තිබිය යුතුම දෙයක් වන්නේ නිරෝගීකමයි. ඔබ කෙතරම් සුන්දර වුවත් නිතර සිටින්නේ ඇඳකට සීමාව නම්, කලකිරීමෙන් නම් එමගින් ඔබේ සම, නිය, කෙස් ඔබටත් නොදැනිම රෝගී විය හැකිය. මේ නිසා බොහෝ කල් පවතින සුන්දරත්වයක් වෙනුවෙන් ඔබ කායික මෙන්ම මානසික නිරෝගීබව පිළිබඳව ද සැලකිලිමත් විය යුතුය. මෙවර ලිපියෙන් අපි බලාපොරොත්තු වන්නේ එවන් ස්වාභාවික සුන්දරත්වයක් අත් කර ගැනීමට ඔබට කළ හැකි දේ පිළිබඳවයි.

 පෙර සූදානම අවශ්‍යයි

වයස්ගත වීම ස්වාභාවික ය. එහිදී සිදු වන සම රැුලි වැටීම, හිස කෙස් සුදු වීම, දත් දිරා යෑම, සම වියළීම ආදිය ස්වාභාවිකව සිදු වන දේවල්ය. වයස අවුරුදු 35 -40 පමණ වන විට සිරුරේ කි‍්‍රයාකාරීත්වය අනුව සෑම කෙනෙකු තුළම මේ ලක්ෂණ පහළවීම ආරම්භ වේ. එහෙත් ඔබ ඔබේ කායික මානසික සෞඛ්‍යය නිිරෝගීව පවත්වා නොගතහොත් වයස අවුරුදු 40 ආසන්න වන විටම වයස අවුරුදු 10 කින් පමණ වැඩි පෙනුමක් ඔබ තුළින් දිස් විය හැකිය. මේ තත්ත්වයෙන් වළකින්නට නම් කල් තියාම ඔබේ චර්යා යහපත් කර ගත යුතුය. නිරෝගීබව වැදගත් වන්නේ මේ සඳහාය. නිරෝගීබව පිළිබඳ සාකච්ඡුා කරන විට දත්, නිය, සම, හිසකෙස් ආදිය වැදගත් වේ. සිරුරේ බාහිර කොටස් වන මේවා දිගු කලක් නිරෝගීව පවත්වා ගැනීමට නම් වියපත් ලක්ෂණ පහළවීමට පෙර පටන් මේ කොටස් පිළිබඳ සැලකිලිමත් විය යුතුය.

 පිරිසුදුබව රැකගන්න

දෛනික කටයුතු කිරීමේ දී නිරතුරුවම අපේ සම, නිය, දත්, හිසකෙස් ආදිය කුණු ¥විලිවලට නිරාවරණය වේ. මේවා නිවැරදි ලෙස පිරිසුදු කිරීම අත්‍යවශ්‍ය වේ. ඒ සඳහා සුදුසු ෂැම්පු භාවිතය, සම සඳහා සුදුසු ආලේපන භාවිතය, සම පිරිසුදු කිරීමේ ස්වභාවික ක‍්‍රම අනුගමනය කිරීම වැදගත් වේ. වයස අවුරුදු 35 පසු වන විට සමේ වියපත් ලක්ෂණ පහළ වේ. එවිට මසකට වරක් ෆේෂල් සත්කාරයක් කර ගැනීමෙන්, ක්ලීනප් එකක් සිදු කර ගැනීමෙන් සම පිරිසුදු කර ගැනීමටත් පෝෂණය කර ගැනීමටත් හැකිය.

 රූපයට මනස බලපානවා

අපි ලස්සනට ඉන්න මොන දේවල් කළත් අනෙක් අය ආකර්ෂණය කර ගත හැකි පෙනුමක් ලබන්නට සෑමවිටම උපකාරී වන්නේ මනසයි. ප‍්‍රශ්න ගැටලූ සමග ජීවිතේ ගෙවන බොහෝදෙනකු තුළින් දිස්වෙන මලානික පෙනුම ඔවුන්ගේ රූපය අවලස්සන කර පෙන්වයි. මේ නිසා නිතරම ස්වාභාවික සුන්දරත්වයක් ලැබීමට අපේක්ෂා කරන ඔබ ප‍්‍රශ්න ගැටලූ නිරාකරණය කරගෙන මනස නිදහස් කරගන්න. එය ඔබේ පෙනුම යහපත් අයුරින් පවත්වා ගැනීමට උපකාරී වේවි.

 එදිනෙදා කළ හැකි දේවල්

රූප සෞන්දර්ය වෙනුවෙන් වෙනම මුදල් වෙන් කිරීම අවශ්‍යම නොවේ. එදිනෙදා ජීවිතයේ දී නිවෙසේ කටයුතු කරන අතරේ ඒ වෙනුවෙන් පුංචි කාලයක් වෙන් කිරීමට ඔබට බැරි නැත. කෑම පිස අවසානයේ අහක දමන දෙහි ලෙල්ල, පිපිඤ්ඤා මදය, පොල් කිරි වැනි ඉතා පහසුවෙන් සපයා ගත හැකි දේවලින් මුහුණ අත් පා පිරිසුදු කරගන්න. මෙලෙස ඔබට කළ හැකි සත්කාර පිළිබඳ මීට ඉහත ලිපියක දී අපි සාකච්ඡුා කළෙමු.

 මවක් වුණත් ලස්සනට ඉන්න

පි‍්‍රය මනාප බිරිඳක්, මවක් නිවෙසට සිරිකතකි. මේ නිසා කාන්තාවකගේ සුන්දරත්වය පවත්වා ගැනීම වැදගත් වේ. ඔබ මවක් වූ පසු තමන්ගේ රූප සෞන්දර්යට වැදගත් වන දත්, නිය, කෙස් කලඹ, සම ගැන නොසලකා හරිනවා නම් ඔබේ ස්වාභාවික සුන්දරත්වය වියපත් ලක්ෂණ පහළ වන්නට කලින් ඔබට අහිමි වේවි.

 
යහපත් සෞඛ්‍ය පුරුදු

නිරතුරුවම පෝෂ්‍යදායී ආහාර වේලක් ආහාරයට එක් කර ගන්න. කෘතිම ආහාර වර්ගවලින් ඈත් වෙන්න. එසේම වැඩිපුර එළවළු පලතුරු ආහාරයට ගන්න. පැය 8 කවත් සුව නින්දක් පවත්වා ගැනීම වැදගත් වේ. එසේම සිරුරට අවශ්‍ය පමණ ජලය පානය කිරීම ද වැදගත්ය. සම වියළීම පාලනය කර ගැනීමට මෙන්ම බොහෝ රෝගී තත්ත්වයන්ගෙන් මිදීමටත් ජලය පානය අවශ්‍ය වේ. මේ අතරම දිනකට පැය භාගයක්වත් ව්‍යායාමයක් පුහුණු කරන්න. එසේම නිතරම හොඳ සිතිවිලිවලින් මනස පුරවා ගන්න. මේ දේවල් ඔබේ ස්වාභාවික සුන්දරත්වයට බොහෝ සෙයින් උපකාරී වේවි.

 

සසිනි රණසිංහ
Share This Article
Hiru Tv Blog
මුත්‍රා වල වර්ණය, ඔබ දන්නවා සාමාන්‍ය...
Hiru Tv Blog
නිය ආලේපන භාවිත කරන්නේ නියපොතුවල ආරක්ෂාවට...
Hiru Tv Blog
Thursday, 18 July 2019 - 10:35
Hiru Tv Blog 1,428 Views
ජලය අපේ සිරුරට අත්‍යවශ්‍යම දෙයක්. රෝග...
Hiru Tv Blog
Thursday, 18 July 2019 - 10:15
Hiru Tv Blog 314 Views
අතීතයේ සිටම යුවතියන් සමේ පැහැය රැකගැනීමට...
Hiru Tv Blog
මවක් වන්නට සිටින අයකු කෑමට ගතයුතු ආහාර...
Hiru Tv Blog
"සමහර වෙලාවට හිතිලා තියෙනවා විවාහ වෙන්න හදිස්සි වුණාද කියලත්..""එයා එනකල් අපි...
Hiru Tv Blog
ලන්ඩනයේ පැවැති "ලයන් කිං"  සිනමා පටයේ මංගල දර්ශනය නැරඹීම සඳහා හැරී- මේගන් යුවල...
Hiru Tv Blog
ඇය තෙවැනි වතාවටත් අන්තර්ජාතික සම්මානයට පාත්‍රවූයේ ශ්‍රී ලාංකීය සිනමාවට ගෞරවයක්...
Hiru Tv Blog
Saturday, 06 July 2019
Hiru Tv Blog 1,258 Views
Hiru Tv Blog
පසුගියදා Facebook, Instagram, WhatsApp යන සමාජ මාධ්‍ය ජාලා හදිසියේම කඩාවැටීමකට ලක්වුණා. WhatsApp සහ...
Hiru Tv Blog
Android 4.0.3, IOS 8 හෝ KaiOS 2.5.1 මෙහෙයුම් පද්ධති වලින් ක්‍රියාත්මක වන ජංගම දුරකථන WhatsApp භාවිතය...
Hiru Tv Blog
මෝටර් රථ තාක්ෂනය ගැන කතා කරනකොට ලෝකයේ ප්‍රසිද්ධ මෝටර් රථ සමාගමක් වන Peugeot මෝටර්...
Top